Kitabxana haqqında

        Hacıqabul rayon Mərkəzləşdirilmiş Kitabxana Sistemi (MKS) 27 avqust 1990-cı ildə Hacıqabul rayon Xalq Deputatları Soveti İcraiyyə Komitəsinin 05 saylı qərarı ilə yaradılmışdır.Hacıqabul rayon Mərkəzi kitabxanasının əsası 1939-cu ildə qoyulmuşdur. 01 yanvar 2010-cu il tarixinə olan məlumata əsasən Hacıqabul rayonunda Azərbaycan Respublikası Mədəniyyət və Turizm Nazirliyi Sisteminə daxil olan 32 dövlət kütləvi kitabxanası fəaliyyət göstərir. Bu kitabxanalardan 1-i rayon Mərkəzi kitabxanası, 1-i rayon Uşaq kitabxanası, 6-sı şəhər və qəsəbə kitabxanası,24-ü isə kənd kitabxana filialıdır.
        Rayon Mərkəzi Kitabxanasının aşağıdakı şöbələri vardır:

• Abonoment şöbəsi

        Abonoment şöbəsinin işi oxuculara kitab və digər informasiya daşıyıcıları vasitəsilə xidmətdən ibarətdir.01 yanvar 2010-cu il tarixinə olan məlumata görə abonoment şöbəsinin kitab fondu 14314 nüsxədən ibarət olmuşdur.Bundan 6951 ədədi latın qrafikalı ədəbiyyatdır.01 yanvar 2010-cu il tarixinə Abonoment şöbəsinin kitab fondundan 2236 nəfər oxucu istifadə etmişdir.Abonoment şöbəsində açıq rəf üsulundan istifadə edilir.Oxucular fonda daxil olaraq sərbəst şəkildə ədəbiyyatla tanış ola bilərlər.Oxucu kütləsinin çoxunu gənclər təşkil edir,bunlar əsasən məktəblilər və tələbələrdir.Sorğu Abonoment şöbəsində olmadıqda digər kitabxanalarla əlaqə saxlanılaraq mübadilə formasından istifadə edilir.

• Kitabişləmə və Komplektləşdirmə şöbəsi

        Mərkəzi kitabxanaya yeni daxil olan ədəbiyyatın uçota alınması,kitabxana qaydası ilə işlənməsi və kitabxana-filiallar arasında bölünməsi ilə məşgul olur.Kitabişləmə və Komplektləşdirmə şöbəsinə 2009-cu ildə 1684 ədəd kitab daxil olmuşdur.Ondan:
1.Azərbaycan Respublikası Prezidentinin sərəncamı ilə nəşr olunan və hədiyyə edilən kitablar-1120 nüsxə
2.Mədəniyyət və Turizim Nazirliyi tərəfindən hədiyyə edilmiş-137 nüsxə
3.M.F.Axundov adına Milli kitabxanadan -285 nüsxə
4.F.B.Köçərli adına Respublika uşaq kitabxanası-142 nüsxə təşkil edir.

• Metodika və Biblioqrafiya şöbəsi

        İllik iş planı tərtib edilir.Plana əsasən şəhər,qəsəbə kənd kitabxana-filiallarına gedişlərin qrafiki tərtib edilir.İl ərzində aylıq və rüblük iş planlarının tərtibində kitabxana-filiallara köməklik göstərir.Hər il üzrə seminar məşğələlərinin təxmini mövzularını tərtib edir.İl ərzində MKS üzrə görüləcək işlərlə, əlamətdar günlərlə əlaqədar təqvimlər və metodiki məktublar hazırlayıb kitabxana-filiallara göndərir. Kitabxana-filialların işini təhlil edir.Metodiki tövsiyyələrin yerinə yetirilməsinə nəzarət edir.Kitabxana filiallara təcrübi köməklik göstərir.Oxuculara kömək məqsədi ilə soraq-biblioqrafiya aparatını təkmilləşdirir,kitabxana-biblioqrafiya biliklərini təbliğ edir.Yeni daxil olan ədəbiyyatlar haqqında bülletenlər tərtib olunur.Kitab fondunun təbliği ilə əlaqədar olaraq Şifahi,Əyani,Yazılı təbliğat formalarından istifadə olunur.

• Vahid fond şöbəsi

        Mərkəzləşdirilmiş kitabxana sisteminin vahid fondunun komplektləşdirilməsində iştirak edir.MKS-nin oxucularının kitaba olan tələbatının ödənilməsi üçün tədbirlər görür.Kütləvi məlumat vasitələri ilə əhaliyə vahid fonddan istifadə etmənin üstün cəhətlərini təbliğ edir.Rayonun başqa sistem kitabxanaları ilə əlaqə yaradır.Kitabxanaların fondlarının tərkibini öyrənir. Çox nüsxəli, profilə uyğun olmayan , istifadə olunmayan ədəbiyyatı seçir.Fondların məzmunca köhnəlmiş və istifadəyə yararsız ədəbiyyatlardan təmizlənməsini təşkil edir.MKS-nin bölmələri arasında ədəbiyyatın yenidən bölünməsini təşkil edir.Kitabişləmə və komplektləşdirmə şöbələri ilə birlikdə artıq nüsxələri seçib mübadilə fonduna verir.MKS-i üzrə fondda olan çatışmazlıqları təhlil edir.MKS-nin vahid fondundan istifadə olunması üçün qabaqcıl iş təcrübəsini tətbiq edir.MKS-i üzrə kadrların ixtisaslarının artırılmasında iştirak edir.Rayonda başqa sistem kitabxanalarının işçilərinə metodiki məsləhətlər verir.
Mərkəzi kitabxananın bütün şöbələri əlaqəli işləyir.

Rayon Mərkəzi kitabxanasının fəxri oxucuları:
1.İsmayılova Nüşabə Kamal qızı
2.Nuriyeva Asudə Kamran qızı
3.Atamoğlanov Elşən Şahlar oğlu
4.İsmayılov Elvin Əziz oğlu
5.Əsədova Rəna Mirzağa qızı

        Mərkəzi Kitabxananın kitab fondu 01yanvar 2010-cu il tarixinə 14314 nüsxədən ibarətdir.Hacıqabul rayon Mərkəzləşdirilmiş Kitabxana Sisteminin kitab fondu 226058 nüsxədən ibarətdir.
Hacıqabul rayon Mərkəzləşdirilmiş Kitabxana Sisteminin direktoru: Həsənov Daxil Tərlan oğlu.Ali ixtisas təhsillidir.
Direktor müavini: Məmmədova Sürahi Hilal qızı.Ali ixtisas təhsillidir.
Direktor müavini Uşaq işləri üzrə: -Mehdiyeva Qənirə Yadigar qızıdır.
         Saytda 2010-cu il mart ayından yenilik və əlavələri Mərkəzi kitabxananın Xidmət şöbəsinin müdiri Zülfəliyeva Aytən edir.